یکم اکتوبر سے پیٹرولیم مصنوعات کی قیمتوں میں کمی کا امکان
اسلام آباد: یکم اکتوبر سے پیٹرولیم مصنوعات کی قیمتوں میں کمی کا امکان ہے۔
ذرائع کے مطابق آئل اینڈ گیس ریگولیٹری اتھارٹی (اوگرا) نے پیٹرولیم مصنوعات کی قیمتوں میں ردوبدل کی سمری پیٹرولیم ڈویژن کوبھیج دی ہے۔
ذرائع کے مطابق قیمتوں میں ردوبدل کی سمری یکم سے 15 اکتوبر کےلیے بھجوائی گئی ہے اور پیٹرول کی قیمت میں ڈیڑھ اور ڈیزل کی قیمت میں 2 روپے فی لیٹر کمی کی تجویز دی گئی ہے۔
قیمتوں میں ردوبدل کی حتمی منظوری وزارت خزانہ وزیراعظم کی مشاورت سےدےگی۔
24-09-2020
پاکستان اور آئی ایم ایف کے درمیان تیسری قسط کیلئے جائزہ مذاکرات جاری
پاکستان اور عالمی مالیاتی ادارے (آئی ایم ایف) کے درمیان جائزہ مذاکرات جاری ہیں۔
فریقین ورچوئل مذاکرات میں حصہ لے رہے ہیں اور دوسرے جائزہ مذاکرات کو نتیجہ خیز بنانے کیلئے کوششیں جاری ہیں۔
مذاکرات کی کامیابی پر پاکستان کو بیل آؤٹ پیکج کی تیسری قسط جاری کی جائے گی۔
یاد رہے کہ 3 جولائی 2019 کو آئی ایم ایف نے پاکستان کے لیے 6 ارب ڈالرز کے قرض کی منظوری دے تھی جو تین سال کے دوران وقتاً فوقتاً قسط وار جاری کیے جائیں گے۔
پاکستان کو اب تک آئی ایم ایف سے دو قسطوں میں ایک ارب 44 کروڑ ڈالرز مل چکے ہیں۔
قیمتوں میں کمی کا امکان
